Jææja...

Dröfnusus hér færðu útektina...

1. Hvað kom þér mest á óvart við móðurhlutverkið?

Í stuttu máli: Tilfinningin þegar ég uppgötvaði að ég væri orðin móðir og hvað þetta nýja hlutverk vandist fljótt. Meðgangan leið eins og örskotstund. Barabíng! Sú stutta kominn í heiminn. Ég las þónokkuð margar bækur á meðgöngunni sem fjölluðu um barnið og komu þess í heiminn osfv. osfv. Hverju maður ætti að búast við. Það er engan veginn hægt að lýsa þeirri tilfinningu með orðum. Ásamt mörgu mörgu öðru. Sem varla er hægt að tíunda hér.

2. Hvaða bók ertu að lesa núna?

Ahh...bara skólabækur. Í augnablikinu, Frelsið eftir John Stuart Mill og bók sem heitir One place after another og fjallar um list í almannarými, og ritgerð eftir Susan Sontag og heitir Að sjá meira. Það er bók sem ég mæli með. Annars blimskakka ég augunum á bók sem situr í bókahillunni minni og heitir Maður og Elgur og er eftir Erlend Loe og ætla að lesa þegar tími gefst.

3. Hvenær fáum við að sjá þig næst?

Við sjáumst þegar við komum norður í maí! (Barnið á sko að alast upp sem Akureyringur!;)

4. Skemmtileg staðreynd um þig sem ég vissi ekki fyrir?

Þær eru svo margar að ég get ekki valið úr þeim en kannski sú sem kemur þér minnst og mest á óvart er að þarsíðasta sumar svaf ég á milli þúfna með þaulvönum veiðimanni og hundi. Kyssti hundinn góða nótt á munninn og veiddi á flugu stærsta og fallegasta fiskinn í ferðinni. Það var ótrúlega gaman. Þannig að sú staðreynd sem þú vissir ekki um mig er að mér finnst gaman að nota fjaðrir til að drepa fiska. En mig langar ekki að vinna í frystihúsi...